Info

info

Nondik arkitektura eta hezkuntza biltzen dituen espazioa da. Pertsonen bizi-kaliatea hobetzeko helburuarekin, inguruatzen gaituzten espazioak eraldatzeko estrategiak garatzen ditu, eta hezkuntza-eraikinetan espezializatzen da.

Nondik azken emaitzaren aurreiritzi eta irudi oro baztertuz, sortze-prozesuan oinarritzen den lan-metodologia da. Egin beharreko galderak zeintzuk diren argituz, sormenean eta esperimentazioan oinarrituta ekiten zaio hobekuntzarako bideari. Erabiltzaileak dira proiektu ororen funtsa, eta erantzun anitzak bilatu nahian, jakintza-alor ezberdinetako adituen elkarlana sustatuz sortzen dira prozesu bakoitzerako lan-taldeak.

Nondik galdera globaletan oinarritzen da tokian tokiko erantzunak aurkitzeko. Nondik galdetzen denean, “zein lekutatik” edo “zein bidetatik” esan nahi da: etorkizunera begira aurrerapausu bat eman ahal izateko, bide ibiliek utzitako arrastoaren garrantzia aintzakotzat hartzea.

Ahinitze nondik

Ahinitze Errasti Etxeberria

Arkitektoa, unibertsitate irakaslea eta pedagogian doktoregaia, nondik Arkitektura eta Hezkuntza-Ikerkuntza bazkide-sortzailea eta hezkuntza proiektuen zuzendaria da.

2011ean bukatu zituen Arkitektura ikasketak Bartzelonako Universitat Politècnica de Catalunyan. Ikasketak lan-praktikekin konbinatu ondoren, ETSAB-eko Proiektu Arkitektonikoen Departamentuan aritu zen irakasle laguntzaile bezala Karrera Amaierako Proiektua garatzen zuen bitartean. Adimen Emozionalaren bitartez, haur-hezkuntzarako espazioak eta adinekoentzako etxebizitzak garatu zituen, eta XII Bienal Española de Arquitectura y Urbanismo saria eskuratu zuen Muestra PFC alorrean.
2012ko urtarrilean, Rotterdam hiriko STAR Strategies+Architecture estudioan lan egiteko Argo beka eskuratu zuen. Nazioarteko hainbat lehiaketatan parte hartu ondoren, SVESMI enpresan hasi zen lanean Mosku hiriko liburutegi sistemaren berrikuntza proiektuan. 2014-2016  bitartean, berriz, Alemaniako Tübingengo Unibertsitatearentzako Geologia eta Ingurumen Ikerketa Zentro berriaren diseinu-taldearen gidaritzan aritu zen KAAN Architecten nazioarteko estudioan.
Arkitektura eta hezkuntza lotzeko interesak, ostera, irakasle gisa aritzeko gaitzen duen Unibertsitate Masterra gauzatzera eraman zuen 2015-2016 ikasturtean, eta arkitekturaren bidez DBHko ikasleekin matematikak lantzeko proiektua gauzatu zuen master amaierako lan modura.
Gaur egun, EHUko Hezkuntza: Eskola, Hizkuntza eta Gizartea doktorego programaren barruan, abian du espazioaren eta pedagogiaren arteko erlazioa uztartzen dituen ikerketa tesia. Aldi berean, nondik estudioaren zuzendaritza irakaskuntzarekin konbinatzen du Deustuko Unibertsitatean.

Alejandro nondik

Alejandro González Pérez

nondik estudioaren bazkide-sortzailea eta arkitektura proiektuen zuzendaria da. Atzerrian izandako ibilbide profesionalari esker, kultura- eta hezkuntza-espazioen diseinuan espezializatzen da, ikuspegi integrala bermatuz.

Universitat Politécnica de Catalunyan burutu zituen Arkitektura ikasteak, eta 2011ean aurkeztu zuen Karreara Amaierako Proiektua. Ikasten ari zela, AMBBartzelonako arkitektura enpresa publikoan lan egiteko aukera izan zuen. Arkitektura proiektuetako departamentuan irakasle laguntzaile gisa ere aritu zen karrera amaierako proiektua garatu bitartean.
2012an Herbeeretako Rotterdam hirira eraman zuen Argo bekak, eta lau urte igaro zituen bertan. Lehenengo bi urteetan, IND Internation Design enpresan lan egin zuen proiektu anitzen arkitekto nagusi gisa. Horien artean, Turkiako Urfa hiriko Bigarren Hezkuntzarako ikastetxe-kanpusa, Estambulgo Telekomunikazio dorrea edota Mies Van der Rohe sarirako izendatua izan zen Goztepe etxebizitza-eraikina Turkiako hiriburuan. Bestalde, Rotterdam hiriko udal-liburutegiaren itxura-berritzeko proiektuan ere parte-hartu zuen.
2014ean ordea, KAAN Architecten estudio ezagunak Planta proiekturako kontratatu zuen. LLeidan kokaturiko arte museo-fundazioa Veneziako Bienalean eta Construmaten aurkeztu zen, eta hainbat argitalpen izan ditu. Bestalde, Tilburgo Unibertsitaterako ikasgelategiaren lehiaketa ere zuzendu zuen, eta lehenengo saria eskuratu ondoren, eraikitze prozesuan dago.
nondik Arkitektura eta Hezkuntza-Ikerkuntza estudioaren zuzendearitzarekin batera, egun, arkitektura eta hirigintza gizartera helarazteko dibulgazio proiektu ezberdinetan dihardu.